Би гэй амьдралтай танилцаад нэлээд жилийн нүүрийг үзжээ. Эхлээд Монголд гэй хүн надаас өөр байхгүй юм шиг бодож шаналдаг байсан. Тэгээд интернэтээр “тэнэж” яваад http://gay.mn гэж сайт байдгыг мэдээд олз олсон лугаа баярлаж билээ. Ингээд л Монголынхоо гэй сайтын байнгын зочин болж хүсч хайж явсан хүмүүстэйгээ танилцаж, нэг хэсэгтэй нь уулзаж, заримтай нь бүр сексдэж үзлээ. Өмнө нь эмэгтэй хүнтэй л сексдэж байсан миний хувьд эрэгтэй хүнтэй энгэр зөрүүлсэн минь муухайгаа санагдсан шүү. Ингээд л би гэдэг хүн гэй амьдралаар амьдраад нэлээд олон жил болчихлоо. Энэ хугацаанд өөрийнхөө сонгосон амьдралдаа сэтгэл хангалуун байсан ч нэг л зүйлийг үгүйлээд байгаагаа би ойлгодоггүй байсан юм. Бүдүүн эрчүүд цаанаа л гоё харагдаад ийм эрчүүдтэй сексдэж үзэх юмсан гэж бодогддог боллоо. Ийм эр хүн Монголд байдаг болов уу, хаанаас олдох бол гэж өдрийн шаналан шөнийн зүүд болоод явж байтал http://bearmongolia.blogspot.com гэсэн хуудас шинээр нээгдэж миний хувьд бөөн аз дайрлаа. Би ч дуртай хуудсаараа байнга зочилж дуртай хүсч явдаг эрчүүдийнхээ зургийг эндээс ханатлаа хардаг болсон. Ингээд өөрийнхөө сонирхоод байгаа бүдүүн эрчүүдийг bear буюу баавгай гэдэг нэршилтэйг мэдэж авлаа. Би энэ блог хуудсаар дамжуулж гэй баавгай нарын тухай мэдэж бас баавгайнууд дотроо ялгаатайг мэдэж авсан. Баавгайн тухай мэдлэгтэй болсон би монгол зангаараа даварч bear-ийн эрэлд гардаг юм байгаа биздээ. Эрэл хоосонгүй шүү. Би монгол баавгайтай танилцчихлаа. Үнэхээр гоё. Бид 2 уулзаад л бие биенээ мэдэрсэн дээ. Хүн хүний сонирхол өөр гэдэг ч, миний сонирхдог bear амьдрал диваажин л юм билээ. Юутай ч намайг баавгайн амьдралтай танилцуулж хүсэл мөрөөдлийг минь биелүүлэхэд их нэмэр болсон энэ блогны хамт олонд талархаж байгаагаа уламжилж байна. Баавгайн амьдралын хайр дурлалаасаа та бүхэнтэй дараа хуваалцанаа.]
source: bearmongolia
No comments:
Post a Comment