2013-09-26

Нууц амрагуудын сүлд дуунууд



Би 2 дахь хүн чинь баймааргүй байна
Би хүсэлгүй хүний дагуул баймааргүй байна
Би худлаа хэлэхийг чинь дахин сонсмооргүй л байна
Би зөвхөн үнэн худлыг чинь мэдмээр байна
 Сэтгэл минь бачуурч уур минь хүрэх шиг
Сэрүүн хэдэн шөнийг ч өнгөрөөв дөө
Хэдийг өнгөрөөх бол
Тэнэг залуу хая гэж найзууд минь зөвлөх юм (бас ятгах юм)
Тэвчээр минь алдагдавч өөрийгөө ч ойлгохоо болилоо

 

Өглөөний нар хөшигний завраар тусахад
Өдөн хөнжилд би чамтайгаа унтах юм
Шөнийн жаргалдаа чи минь алжаагаад
Зүүд нойрондоо үнэгчилэн инээнэ
Хань чинь чамайг гэртээ хүлээнэ
Харин чи надтай шөнийг өнгөрөөнө
Удаан удаан чамтайгаа уулзахгүй болохоор
 Улам бүр би чамайгаа санах юм
Ирдэг болов уу гэж би өчнөөн харуулдана
Ийм хувь заяа намайг хүлээнэ
Хэдий болтол тэсэх хайр вэ?
Хэний гуниг баяраар хэмжигдэх бол
Энэ хорвоо дээр эрчүүд олон боловчиг
Эхнэртэй залууд би юунд тэмүүлнэ

2013-09-25

Эхнэртэй гей эртэй холбогдохгүй байх 8 шалтгаан

1. Хамгийн сайн мэддэг хэрнээ нэг их ач холбогдол өгдөггүй шалтгаан бол “буруу”. Ихэнх эхнэртэй гей эрчүүд "бид бол сайн найзууд, ах дүүс, анд" зэрэг үгээр өөрийн гэр бүлээс гадуурх сексийн харилцаагаа халхлах гэж оролдож байвч эцсийн бүлэгт энэ бол араар тавилт. Эхнэртэй залуу болон түүний найз өөрсдийнхөө харилцааг нь жинхэнэ хайр гэж бодож итгэж байлаа ч түүний эхнэр хэзээ ч түүнийг хүлээн зөвшөөрөхгүй. Ёс бус зүйл гэж л дүгнэнэ. Төлөв төвшин, зөв хүмүүжилтэй хүн хэзээ ч ийм зүйлийн нэг хэсэг болохгүй гэж хүн бүр л боддог шүү дээ. Би эмэгтэй биш эрэгтэй хүнтэй уулзаж байгаа болохоор энэ бол араар тавилт биш гэж боддог цайчихсан бодолтой эрчүүд бас монголд бий.

2. Хэрвээ эхнэртэй залуутай холбогдвол чи үргэлж хоёрдогч нь байх болно. Түүний эхнэр болон гэр бүл хэзээд нэгт тавигдана гэдэгтэй үг дуугүй эвлэрэх хэрэгтэй болно гэсэн үг. Найз залуу чинь чиний хажууд байх хэрэгтэй чухал үед түүнийг ирнэ гэдэгт чи хэзээ ч бүрэн итгэлтэй байх боломжгүй. Тэр хэзээ ч яваад өгч магадгүй. Хэдийгээр чамд сайхан үг хэлж, сэтгэл минь чиний дэргэд гэх боловч аль хэдийнэ эхнэрийнхээ дэргэд оччихсон байх болно. Бусад хүмүүстэй найз залуугаа гээд нүүр бардам танилцуулж чадахгүй, гадуур ч тайван зугаалж хамтдаа цагийг өнгөрөөх талаар манай улс шиг хүн ам цөөтэй газар бодоод ч хэрэггүй. Энэ чиний үерхлээс хүсдэг зүйл мөн гэж үү?


3. Худал хуурмаг зүйлсээр дүүрэх болно. Гэр бүлээсээ гадуур харилцаа тогтоосон эрчүүд та хоёрыг зэрэг хуурах хэрэгтэй болдог. Эхнэрээ ч бас чамайг ч адил хуурна. Тэр юу ч гэж хэлж байсан эхнэр, гэр бүлээ хэзээ ч орхихгүй бас дээрээс нь тэр эхнэртэйгээ унтахгүй байна гэж байхгүй шүү дээ. Чамд хардах, харамлах эрх байхгүй. Аль алинаас нь хамгийн сайн сайхныг нь авч чадаж байхад яагаад түүнд эвтэй найртай халуун дулаан гэр бүлээ бусниулах шаардлага гарна гэж? Чи бол түүний хувьд зүгээр сексийн хэрэгцээ, зүгээр нэг чам шиг гомо залуугаас болж өөрийнхөө  нийгэмд хүлээн зөвшөөрөгдсөн стрээт амьдралыг орхино гэж үү? Эцэст нь хэлэхэд чи өөрийгөө хэн гэж бодоод байгаа юм бэ?

4. Гэр бүл гэдэг гей гэдгээ нуух гэж, эсвэл эцэг эхийн шаардлагаар, нийгэмд байр сууриа эзлэх гэж бий болгодог зүйл биш. Хэрвээ чи гэр бүлтэй залууг сонирхоод байгаа бол өөрөөсөө нэг л асуултыг асуугаарай. Хэрвээ би түүний эхнэрийн оронд байсан бол яах вэ? Магадгүй чи өөрийгөө гэрлэж үзээгүй болохоор мэдэхгүй байна гэж бодож болох л юм. Гэвч тэр гэрлэсэн. Чи ч гэсэн нөхөрөө чамаас өөр эрэгтэйг хайрлахыг хүснэ гэж үү? Тэгэхээр өөр хүнд ч гэсэн тийм зүйл битгий хий.

5. Та хоёрын харилцаанд чиний хүлээж болох хамгийн сайн үр дүн бол тэр эхнэр, гэр бүлээ орхиж чам дээр ирэх. Үнэхээр ийм зүйл боллоо гэхэд тэр хүн чамд ч дараа нь ижил зүйл хийхгүй гэх баталгаа байхгүй шүү дээ. Тэр үед чамайг өрөвдөж, чиний талд орох хүн байхгүй л байх болов уу? Чаиайг нүглийнхээ горыг амсаж байна гээд л хараад сууцгаах болно гэдгийг бодолцож үзээрэй дээ.

6. Тэр хүүхэдтэй бол ээж аавыг нь салгасан чиний л буруу болох болно. Хэдий тэр эр чамд хайртай гээд чамайг сал гэж хэлээгүй байхад ийм зүйл хийсэн байлаа ч гэсэн. Тэд аавдаа хайртай учраас түрүүлж чамайг л буруутгах болно. Гэр бүлийг хагалан буталгагч нь битгий болоорой.

7. Хэрвээ аль хэдийнэ эхнэртэй залууд дурлаад, та хоёрын харилцаа эхэлчихсэн явж байгаа бол эртхэн нүдээ сайн нээгээд бодоод үзэхийг зөвлөж байна. Яаж ч бодсон эцэстээ муугаар төгсөх нь ойлгомжтой шүү дээ. Тэр нэг бол чамайг хаяна эсвэл гэр бүлээ орхиж чамтайг сонгосон ч насаараа чи бусдын өмнө буруутан болж амьдрах болно. Тийм учраас зөвхөн чамайг л хайрлах заяаныхаа ханийг олоорой. Аль хэдийнэ эхнэр гэр бүлтэй болчихсон сайхан залуугаас хавьгүй илүү чадварлаг царайлаг, ухаалаг ганцхан чамд хайртай залуу л чамд тохирно гэж бодож өөртөө итгэлтэй байгаарай.

8.Эхнэртэй гей эрчүүдийн хамгийн айдаг зүйл бол эхнэр нь мэдэхвий гэдэг айдас, тийм ч учраас тэд тагнуулч , нууц албаны ажилтан шиг байх хэрэгтэй болдог. Магадгүй тэр зөвхөн чамтай сексийн таашаал авах гэж уулздаг бол чамаас "би чамд хайртай" гэдгийг хэзээ ч сонсохыг хүсэхгүй. Найз нөхөд гэсэн нэрийдлийн доор чи зүгээр л ашиглуулж байгаа гэдгээ битгий мартаарай. Эцсийн бүлэгт чи түүнд хайртай бол сэтгэлээрээ биеэрээ зүгээр хохирч үлдэнэ гэдгийг сана.

2013-01-23

Perfect muscle bear - Noodles and Beef [20 photos]

 

He is 25 years old who lives in Ca, USA . He is very funny, sexy and gorgeous(very gay) . Seems perfect bf to me . Please read his blog . 

2013-01-15

Gorilla/Kong guys [20 photos]

GORILLA is the very famous bear party for Gachi-Muchi by Gachi-Muchi which started in Tokyo since 2009.
Big muscle, beefy hunk dancers, "GORILLAZ"("Tadashi=Kong", "Toshi", "Donburi", "Hiro" and more) are waiting for you!
DJs will play House, Techno, R&B...all kinds of music makes you hot and sweat.
You'll have a great time with great music, fashion & delicious drink.
Move to the new vibration! Vibin',groovin',invading,awakening...Get ready, Guys!

*No woman admitted.

2012-12-17

Монгол дахь баавгай нар

Монгол бол эрэгтэйчүүд нь хоорондоо гэрлэдэг Америк биш, гей порно кино нь монголын кино театрт гарч байгаа киноноос илүү ашиг олдог Япон ч биш,  бас эрэгтэй хүнтэй унтсаных нь төлөө алдаг Арабын орон ч биш. Эхлээд Монголын нөхцөл байдлыг сайн авч үзэх хэрэгтэй байх. Монголд баавгай нар яаж амьдарч байна гэдгийг сайн судлаад үзвэл.
 1. Ихэнх нь эхнэр хүүхэдтэй байлаг.
Баавгай нар  илүү эрэгтэйлэг байдал ихтэй байдаг болохоор өөрийгөө гей гэдгийг нуух чадвартай байдаг.  Хэн ч гаднаас нь хараад  хэлэх боломжгүй.  Тиймээс жирийн нөхрийн амьдралаар амьдрах замыг ихэнх нь сонгож өөрсдийгөө насан туршид нь нуухаар шийдсэн. Ялангуяа 35 аас дээш наснынхны хувьд тэр үеийн нийгэмд ямар ч интернэт, холбоо хэрэгсэлгүй гей гэсэн ойлголт ч байгаагүй тэр нийгмийн хүмүүс. Зарим нь 40 хүрсэн мөртлөө эрэгтэй хүнтэй унтаж үзээгүй тийм хүмүүс ч байдаг.

2. Эсвэл тохиромжтой хамтрагчаа олж , өөр хүн эрж хайхаа больсон.
 Монгол бол жижигхэн , ихэнх нь нуугдмал нууц орчинд байхыг илүүд үздэг. Монгол баавгай нар бол олон хүнтэй холбоо тогтоож ил гарахыг хүсдэггүй хамгийн идэвхгүй бүлэг. 

3. Шинэ үеийн залуу баавгай нар
Гей партинд очигсдын ихэнх хувь нь 18-25 насны залуучууд байна гэсэн судалгаа гарчээ. Монголд төдийгүй дэлхий нийтэд интэрнэт мэдээллийн эрэн зуунд шинэ үеийн залуучууд улам л нээлттэй болсоор.  Түүнийгээ дагаад нийгэм ч бага багаар хүлээн зөвшөөрсөөр байгаа.  Энэ хурдаараа явбал 20 жилийн дараа гэхэд дэлхийн улс орнуудын талаас илүү хувь нь гей  гэрлэлтийг хүлээн зөвшөөрдөг болно .

4. Төрөлхийн болон өөрчлөгдсөн баавгай 
Баавгай гэдэг ойлголт зарим азийн орнуудын хувьд бараг мода болоод байгаа.  Сахлаа ургуулж, жингээ нэмж фитнэссд явах, баавгайны зурагтай хувцас өмсөх ч гэх юм уу
Панданы гутал хүртэл моданд орсон , зарим хүмүүс хөдөлмөрсний хүчинд өөрсдийгөө баавгай болгож чаддаг бол зарим төрөлхийн л том биетэй сахал үстэй баавгай нар байдаг.

Being gay in Mongolia - Anti discrimination video

2012-12-10

Ижил хүйстэн нөхрийгөө яаж мэдэх вэ?

Ижил хүйстэндээ татагдах гэдэг ойлголт бол зөвхөн эмэгтэй хувцас өмсдөг эрэгтэйчүүдээр хязгаарлагддаг ойлголт биш,  дэлхий нийтийн хэмжээнд өнөөг хүртэл маргасаар байдаг хамгийн том сэдвүүдийн нэг юм. Судалгаагаар АНУ ийн арван эрэгтэй тутмын нэг нь ямар нэгэн хэмжээгээр ижил хүйстнээ сонирхдог бол, АНУ дахь гэр бүл салалтын 7.3 хувийг нөхөр нь ижил хүйстэн гэдэг шалтгаанаар салдаг байна.  

Ижил хүйстэн залуучууд эхнэр авдгийн шалтгаан нь  өөрсдийгөө гей гэдгийг хүлээн зөвшөөрдөггүй , зарим нь эхнэр авснаар  өөрсдийгөө өөрчлөгдөж эсрэг хүйстнээ сонирхдог болно гэж үздэг бол зарим гэр бүлийн шахалт , үр удмаа үлдээх , хорвоогийн жамыг дагах , өөрийгөө нууцлах гэх мэт шалтгаанаар эхнэр авдаг байна. 
Эдгээр эрчүүд нь олон жил өнгөрч хүүхэдтэй болсны дараа өөрийгөө өөрчлөх ямар ч боломжгүй гэдгийг ойлгож улмаар маш ихээр ижил хүйстнээ сонирхож эхэлдэг.  Энэ үед эрэгтэй хүнтэй уулзахыг хүсэж, зарим нь уулзаж араар тавьж эхэлдэг , эхнэр нь өөр хүүхэнтэй болсон байна гэж бодох боловч үүний ард эрэгтэй хүн байгааг ойлгодоггүй. 

1. Сексийн сонирхол буурах

Ямар ч эрэгтэй хүнд эмэгтэй хүнтэй секс хийх чадвар байдаг . Энэ нь яг эрэгтэй хүн болгон гар хангалга хийж чаддагтай адил.  Гэхдээ энэ нь чамайг сексийн хувьд сонирхдог гэсэн үг биш.  Чамайг сонирхохоо больж, ядарч байна, ажил ихтэй байна гэх мэт шалтгаанаар аль болох секс хийхээс татгалзах 


2. Хэтэрхий эмэгтэйлэг болж ирэх

Эмэгтэйлэг эр хүн болгон гей биш байдагтай адил эрэгтэйлэг эр хүн болгон гей биш гэсэн үг биш. Зарим гей залуучид жирийн эрэгтэйчүүдээс илүү эрэгтэйлэг шинж чанар давамгайлсан байх нь олон. Харин сүүлийн үед нөхөр чинь улам л энхрий танхи, маш их сэтгэлийн хөдөлгөөнтэй, эмэгтэйлэг эмзэг болоод байна уу? Энэ бол нөхөр чинь өөр эрэгтэй хүнтэй уулзаж байгаагийн гармоны өөрчлөлт юм. 

3.Гей хүмүүсийг муу хэлэх, доромжлох
Ямар нэгэн гей холбогдолтой сэдэв рүү орох, эсвэл зурагт юмуу кинон дээр гей холбогдолтой зүйл гарахад нөхөр чинь хэрхэн хариу үзүүлж байна гэдгийг анзаараарай.
 Ихэнх тохиолдолд нөхөр чинь баригдахаас айсандаа гей хүмүүсийг балиар заваанаар нь дуудаж доромжилж ,  муу хэлж эхэлнэ. Энэ нь гей хүмүүст дургүйдээ биш зүгээр л өөрийгөө өнгөн далдалж буй хэрэг юм. Гей залуусыг  муулах дуртай залуусын ихэнх хувийг өөрсдөө гей залуучууд эзэлдэг гэвэл та итгэх үү?

4, Гей порнографи, материалууд
Компютер юмуу гар утсанд нь ийм зүйлүүд илрээд байна уу?  Орсон сайтууд нь гей порно сайтууд болон танилцах сайтууд байгаад байна уу? Энэ бол нөхөр чинь гей болохыг хамгийн түрүүнд илтгэнэ. 

5. Нэг залуутай хэтэрхий их цагийг өнгөрөөж байвал
Зөвхөн найз гэдэг нэрийдлээр нэг залуутай их цаг өнгөрөөгөөд байна уу? Эхнэр хүүхэдтэй хүн арай ч үгүй байлгүй дээ гэж бодож байна уу? Тэгвэл шалгаад үзэх хэрэгтэй , орчин үед эрчүүдэд итгэхэд хэцүү болсон. 


НӨХРИЙГӨӨ ИЖИЛ ХҮЙСТЭН ГЭДГИЙГ МЭДЛЭЭ ОДОО ЯАХ ВЭ?
Салах уу? эсвэл үргэлжлүүлэх үү? 
Нэгэнт үр хүүхэдтэй болсон бол сална гэдэг маш хэцүү. Нас залуу, хараахан хүүхэдтэй болоогүй байгаа бол эртхэн өөрийг нь хайрлаж чадах тийм эр хүний эрэлд гарах хэрэгтэй . Түүнийг өөрчлөгдөнө гэдгийг хүлээх хэрэггүй.  Гей нөхөр чинь эрэгтэй хүн хайрлахаар энэ хорвоод төрсөн бол хэзээ ч эмэгтэй хүнийг хайрлахгүй. 
Эрчүүд гей байна уу стрээт байна уу? хамаагүй өөрсдийгөө л боддог муу хүмүүс гэдгийг мартах хэрэггүй. 

Би түүнд маш хайртай, бид нэгэнт хүүхэдтэй болсон түүнээс салж чадахгүй
Нэгэнт түүнтэй хамт амьдрахаар шийдсэн бол  маш хүнд сонголтыг хийсэн байна.
Эхлээд түүнийг эрэгтэй хүн сонирхож байгаад буруутгах хэрэггүй, учир нь энэ түүний сонголт биш, түүнийг уучилж аль болохоор жирийн хосууд шиг байхыг хичээх хэрэгтэй. Эсвэл групп секс болон түүнийг араар тавихыг хүлээн зөвшөөрөхөөс өөр аргагүй.